இயக்குநர் வினோத் இயக்கத்தில் வெளியாகி வரவேற்பைப் பெற்ற 'சதுரங்க வேட்டை' படத்திற்கு நடிகர் ரஜினிகாந்த் தனது பாராட்டைத் தெரிவித்திருக்கிறார்.
நட்ராஜ் நடிப்பில் வினோத் இயக்கத்தில் வெளியான படம் 'சதுரங்க வேட்டை'. மனோபாலா தயாரித்த இப்படத்தை திருப்பதி பிரதர்ஸ் நிறுவனம் வெளியிட்டது.
'சதுரங்க வேட்டை' படம் விமர்சகர்கள் மத்தியிலும், மக்கள் மத்தியிலும் பெரும் வரவேற்பை பெற்றது. தமிழ்த் திரையுலகின் பல்வேறு இயக்குநர்கள் இப்படத்திற்கு தங்களது பாராட்டுகளைத் தெரிவித்தார்கள்.
இந்நிலையில் இப்படத்தை ரஜினிகாந்த் பாராட்டியதாக தயாரிப்பாளர் மனோபாலா தெரிவித்துள்ளார். இது குறித்து தனது ட்விட்டர் பக்கத்தில் " ரஜினிகாந்த் எனது படத்திற்கு வாழ்த்து தெரிவித்தார். "நீ அதற்கு தகுதியானவன்" என்று தெரிவித்தார். இந்த மனசு யாருக்கு வரும்..சூப்பர் ஸ்டார் சூப்பர் ஸ்டார்தான்..!!!" என்று தெரிவித்துள்ளார்.
'சதுரங்க வேட்டை' இயக்குநர் வினோத் தனது இரண்டாவது படத்தை, திருப்பதி பிரதர்ஸ் நிறுவனத்திற்கு இயக்கவிருப்பது குறிப்பிடத்தக்கது.
0 comments:
Post a Comment