மிஷ்கினின் முகமூடி படத்தின் பலவீனமாக முன் வைக்கப்பட்டதில் முக்கியமானது ஹீரோயின். முகமூடியில் ஹீரோயினாக அறிமுகப்படுத்தப்பட்டவர் பூஜா ஹெக்டே. அவரது தோற்றமும், நடிப்பும் ரசிகர்களை அவ்வளவாக கவரவில்லை. சில விமர்சகர்கள் இதனை வெளிப்படையாக எழுதவும் செய்தனர்.
தமிழகத்தில் புறக்கணிக்கப்பட்ட பூஜா ஹெக்டே இந்தியில் மிகப்பெரிய வாய்ப்பை பெற்றுள்ளார். லகான், ஸ்வதேஸ், ஜோதா அக்பர் போன்ற வெற்றிப் படங்களை இயக்கிய அஷுதோஸ் கவாரிகரின் மொகஞ்ச தாரோ படத்தில் ஹிர்த்திக் ரோஷனுடன் நடிக்க உள்ளார்.
மொகஞ்ச தாரோ பல நூற்றாண்டுகள் முந்தைய கதை. சரியாகச் சொன்னால் மொகஞ்ச தாரோ நாகரிகம் இருந்ததாக கூறப்படும் காலகட்டத்தைச் சேர்ந்தது. மிகப் பிரமாண்டமாக தயாராகும் இந்தப் படத்துக்கு இந்தியாவிலேயே அதிகபட்சமாக 50 கோடிகள் ஹிர்த்திக் சம்பளமாக பெறப் போவதாக கூறப்படுகிறது.
அஷுதோஸ் லகான், ஸ்வதேஸ் படங்களிலும் புதுமுகங்களுக்குதான் வாய்ப்பளித்தார். அதேபோல் மொகஞ்ச தாரோவில் பூஜா ஹெக்டேக்கு லாட்டரி அடித்துள்ளது.
தென்னிந்தியாவில் புறக்கணிக்கப்பட்ட வித்யாபாலன் இப்போது இந்தியின் முன்னணி நடிகை. நாளை அதேநிலை பூஜாவுக்கும் ஏற்படலாம்.
0 comments:
Post a Comment